ArtHoliday og workshop í MögguHúsi í Frakklandi í sumar!

Þetta er ekki venjulegt ferðalag heldur mystik, upplifun listamannsins. Námskeiðið miðast við fjóra og á lokaða hópnum á facebook sjáið þið dagsetningar fyrir námskeiðin í sumar, hakið við tímabilið sem þið hafið áhuga á sjá: https://www.facebook.com/groups/178194505878388/

ArtHoliday og workshop í MögguHúsi í Frakklandi er námskeið í vatnslitun og er ferðalag sem snýst um upplifun, mystik og töfra. Námskeiðið er fyrir byrjendur og lengra komna og hentar öllum sem unna listum og ævintýrum! Kjörið t.d. fyrir grunn, framhalds og leikskólakennara. Unnið er undir berum himni í náttúrunni, þorpunum í kring og á vinnustofu sem verið er að gera upp spölkorn frá húsinu. Dvölin er 7 nætur og þar af 4 kennsludagar. Innifalið í verði er gisting í 7 nætur, morgunverður og léttur kvöldverður/snarl í 4 daga en allir verða að taka þátt í undirbúningi, frágang og tiltekt. Ýmsir áhugaverðir staðir heimsóttir og í hádeginu fer hópurinn og kynnist þorpunum í kring og snæðir saman á einhverju veitingahúsinu en það eru alltaf góð tilboð í hádeginu út um alla sveit. Skissubók og vatnslitapappír er einnig innifalið. Það er ekki hægt að vera í sveitum Frakklands án þess að hafa bíl og þar sem þetta er fámennt námskeið eða aðeins 4 þá verður hópurinn að vera samtaka og taka flug og bílaleigubíl saman og vera aðeins með  handfarangur (flugfreyjutöskur). 
Sendið póst á frakklandsferdir@hotmail.com fyrir nánari upplýsingar.