ArtHoliday í MögguHúsi í Frakklandi árið 2024

"Dásamlegur staður, það er svo skrítið að ferðin í fyrrasumar er eins og óraunverulegur draumur."   

"Magnað svæði og ævintýraleg upplifun að dvelja þarna. Maður er nánast eins og á milli svefns og vöku og nær að endurnærast. Takk fyrir góðar stundir í Mögguhúsi og dásamlegu umhverfi."   

Boðið er uppá námskeið um vor, sumar og haust. Þetta er námskeið í vatnslitun og er ferðalag sem snýst um andlega næringu, upplifun, mystik og töfra listamannsins. Námskeiðið er fyrir byrjendur og lengra komna og hentar öllum sem unna listum og ævintýrum! Kjörið t.d. fyrir grunn, framhalds og leikskólakennara. Unnið er undir berum himni í náttúrunni, þorpunum í kring og á vinnustofu sem verið er að gera upp spölkorn frá húsinu. Dvölin er 7 nætur og þar af 4 kennsludagar og ein til tvær dagsferðir eru farnar til að skoða gallerí og söfn eða önnur menningarverðmæti.

Hópurinn er fámennur eða aðeins fjórir og tekur sama flug og leigir bílaleigubíl saman. 
Það sem þarf að koma með er: Vatnslitir, penslar, blýantur, strokleður, yddari, skissubók. Ipad eða sími en þessi tæki eru hluti af skissugerðinni. Eingöngu er í boði að koma með handfarangur (flugfreyjutaska og handtaska)

Öll innkoma af leigu og námskeiðum fara í viðgerðir og vil ég þakka gestum og nemendum sem hafa komin því án þeirra hefði ég aldrei náð að halda MögguHúsi en Hrunið hefur rústað draumum og heilsu margra. Húsið er íbúð og vinnustofa listamanns og er hugsjónarstarf og ekki hugsað sem fjárfesting og verður vonandi art residency í framtíðinni fyrir íslenska listamenn sem vilja dvelja í franskri sveit.

Dvölin er í MögguHúsi í Frakklandi sem er yfir 300 ára gamalt hús, heimili og vinnustofa listamanns. 

Síða námskeiðsins á facebook: https://www.facebook.com/mogguhusartholiday/
Lokaður hópur á facebook: https://www.facebook.com/groups/178194505878388/

Síða hússins á facebook: https://www.facebook.com/M%C3%B6gguH%C3%BAs-H%C3%BAs-til-leigu-%C3%AD-Frakklandi-116261420603/
Vefsíða hússins: https://margretjonsdottir.blogspot.com/

MögguHús er heimili og vinnustofa Margrétar Jónsdóttur listmálara sem starfað hefur samfleytt að myndlist í 50 ár ásamt kennslu í 30 ár. Húsið er um 300 ára gamalt og stendst því ekki þá félagslegu einangrun sem krafist er í dag. Margir sem koma á námskeiðin eru hræddir um svefnaðstöðuna sem ég kalla „opið rými“ sem það er í raun ekki en allir hafa sitt prívat. Þetta snýst auðvitað um að taka tillit til allan tímann. Hér er myndband sem var gert fyrir 11 árum af gestum sem vou í húsinu og ætti að gefa einhverja hugmynd:

Innifalið í verði: Kennsla í 4 daga, ein til tvær dagsferðir eru farnar til að skoða gallerí og söfn eða önnur menningarverðmæti, gisting í 7 nætur. Nothæfur vatnslitapappír en hægt að kaupa betri pappír.

Eftirfarandi er skipulagningin á námskeiðinu en geta verið breytingar því við förum eftir veðri, vindum og hugdettum:

9:00 til 13:00 Kennsla í 4 daga á vinnustofunni, mæting kl. 9:00  

Eftir hádegið vinna nemendur sjálfstætt, án kennara og æfa sig í vatnslitun og skissugerð.

Ein til tvær dagsferðir eru farnar til að skoða gallerí og söfn eða önnur menningarverðmæti eða frjáls dagur fyrir hópinn. Ef hópurinn dvelur ekki í París við lok ferðar er mögulegt að fara í dagsferð þangað til að skoða eitthvert ákveðið safn. Hægt er að lengja dvölina.

Til að koma í veg fyrir misskilning þá er námskeiðið fyrir fullorðið fólk og ef talið er að einhver falli ekki inní hópinn þá er hann færður til. Hingað til hafa eingöngu konur komið og oftast þekkjast þær ekki en hafa allar sömu ástríðuna fyrir listinni og eru því meðal jafningja. Mikil nánd er á námskeiðinu sem er ekki fyrir alla. Greiða verður staðfestingargjald 300 evrur í upphafi sem ekki er endurgreitt en verður að inneign ef hætt er við ferðina. Sá aðili sem greiðir ekki staðfestingargjaldið hverfur úr hópnum. Greiða verður námskeiðsgjaldið 2 mánuðum fyrir komu en ef hætt er við af einhverjum ástæðum þá er ekki um endurgreiðslu að ræða heldur inneign. Flestir hóparnir gista 1 til 3 nætur í París á heimleið til að skoða myndlistarsýningar, söfn og annað sem borgin hefur uppá að bjóða.

Kennari: Listmálarinn Margrét Jónsdóttir er fædd í Reykjavík og starfar að list sinni í Frakklandi og Íslandi. Hún hefur unnið óslitið sem myndlistarmaður í 50 ár allt frá útskrift MHÍ 1974. Það eru 49 ár frá fyrstu sýningu hennar í London. Hún var einnig alin upp á heimili og fjölskyldu listamanna svo hún þekki ekki annað en streð listamannsins!

Margrét er menntuð við Myndlista og Handíðaskóla Íslands, diplóma í frjálsri myndlist/grafík árið 1974. Masternám (Postgraduate) við Central Saint Martin’s College of Art í London árin 1974 til 1976. Myndlista og Handíðaskóla Íslands, diplóma í grafískri hönnun árið 1984. Diplóma frá Kennaraháskólanum árið 1997. Hún hefur haldið yfir 50 einkasýningar og tekið þátt í fjölda samsýninga hér á landi og erlendis. Margrét var einn af stofnendum Gallery Suðurgötu 7 sem var mikilvæg miðstöð í þróun framlínumyndlistar á Íslandi. Hún er í ritinu „Íslensk listasaga“, sem er fimm binda verk og spannar tímabilið frá síðari hluta 19. aldar til upphafs 21. aldar. Einn af stofnendum Hagsmunafélags Myndlistarmanna sem var undanfari Sambands Íslenskra Myndlistarmanna ásamt stofnun SÍM. Verk eftir hana eru í eigu helstu listasafna landsins. Hefur hlotið ferðastyrki og starfslaun listamanna. Félagi í FÍM, Íslensk Grafík, SÍM, Nýlistasafninu. Margrét hlaut norræn vatnslitaverðlaun á þessu ári. The Winsor & Newton Prize. Verðlaun Norræna Vatnslitafélagsins/Col Art The Nordic Watercolor Association Prize 2023. Nánari upplýsingar um Margréti: https://www.instagram.com/mjons_artist/

 

Þetta er ekki venjulegt ferðalag heldur mystik, upplifun listamannsins.

Sendið póst á frakklandsferdir@hotmail.com fyrir nánari upplýsingar 
Mögguhús tilheyrir Les Coevrons í Mayenne

Þetta er ekki venjulegt túristaferðalag heldur mystik og snýst um að horfa, skoða og upplifa og nema. Horfið á myndbandið hér fyrir neðan:

Við horfum, skoðum, upplifum og finnum.

"It’s clear that our world is profoundly shaped by machines, from motor cars to mobile phones. But what impact do they have upon our awareness?" Sjá umræður:

"Loftnet innsæisins og forgangsröðun eftir tilfinningu eru aðalvopn listamanna og misjafnt hversu mikla samleið listin á með vitsmunum og greiningum. Tilgangur lista er að skerpa skynjun, opna sýn inn í annan heim eða spegla þann sem við tilheyrum, sjá og upplifa heiminn frá óvenjulegum sjónarhornum, sjá fyrir það sem ekki er til en gæti orðið; m.ö.o. skapa framtíðina. Fáir sjá það fyrr en eftir á að manngerð form, tónar, hugmyndir osfrv. eiga uppruna sinn og upphaf í listinni, hjá hinum skapandi öflum."

Við skoðum umhverfi okkar og upplifum!

Við skoðum rannsökum og upplifum!

 

Gullinsnið!

Hvað er list?